Kreu i Agjensisë Shtetërore të Kadastrës në rajonin e Gjirokastrës është emëruar Florian Taçi.
Ky i fundit në dy vitet e fundit ka mbajtur funksionin e drejtuesit të ZRPP-së në këtë qark.
Por me shkrirjen e Zyrave të Regjistrimit të Pasurive të Paluajtshme dhe ALUIZNI-t, dhe bashkimin e tyre në një institucion të vetëm, Agjensinë Shtetërore të Kadastrës, ka nisur edhe emërimi i drejtuesve të rinj.
Emërimi i Taçit në funksionin e ri është bërë nga Artan Lame, i cili është drejtori i Përgjithshëm i ASHK-së, institucion ky që varet drejtpërsëdrejti nga kryeministri.
Ky institucioni shihet si themeli i reformës së pronës. ALUIZNI do të funksionojë si një sektor i Agjencisë Shtetërore të Kadastrës.
