Nga Boldnews.al
“Dy punojnë dhe katër filmojnë”. Kjo është moto e kryetarit të Bashkisë së Tiranës Erion Veliaj. Nuk ka rëndësi çfarë ndërtohet, sa ka kushtuar, kush kompani e privilegjuar kryen punimet dhe kush oligark fshihet pas saj, por e rëndësishme për Lali Erin është të hedhë një karrem që në shumicën e rasteve përfundon në “stomakun” e qytetarëve të kryeqytetit.
Tashmë i zënë me “punëra” të mëdha, që janë kryesisht dhëniet e lejeve të ndërtimit për pallate dhe kulla, hapjen e ndonjë fronti për një vepër publike me konçension, Lali Eri gjen kohën e çmuar dhe publikon në rrjetet sociale edhe angaritë më rutinë të bashkisë.
I tillë është edhe një postim në faqen e tij në Facebook, kur shfaqen disa punëtorë teksa pastrojnë një pusetë, të bllokuar nga punimet skandaloze të mëparshme. “Punët e mira bëhen kur jemi të gjithë bashkë! Banorët sinjalizuan problemin në rrugën ‘Ndreko Rino’ dhe ekipi mori masa. Çdo ditë e më shumë, një punë konkrete për Tiranën”-shkruan Veliaj.
Shtatë foto në seri për një copë pusete me kapak të hapur. E më shumë se era e rëndë që të zë hundët është “era e frymës” së propagandës.
Për atë kapak pusete u bënë 18 sher dhe 9 komente! Zyrtarucët kanë për detyrë të bëjnë sher postimeve të Lalit, të afërmit e zyrtarucëve bëjnë sher mbi sher-e. Koment mbi koment dhe bota vituale, edhe për një pusetë përhepet si fekale rrugëve të Tiranës.
Ai po punon… Dhe kur një media e pakët nxjerr skandale për lejet e ndërtimit që bllokuan frymën e qytetarëve më shumë se ujërat e zeza të nëntokës, që pas çdo shiu të butë dalin edhe mbi tokë, kanakari i kryeministrit Edi Rama del në skenë me grupin e përhershëm të propaganduesve.
Janë të pakët e madje në agoni zërat që kritikojnë zënien e hapësirave publike, ndërtimin e pllatave dhe kullave në kryeqytet. Ndërsa Lali bën propagandë se pastroi një pusetë, diku në kryeqytet, hekuri e betoni “mbillet” më lehtë se një shkurre.
Për shkak të frymës erë m.., krijohet një mit…! Qytetarëve u duhet vënë një perde e zezë për të mos parë atë që mbi kokë kanë një pallat të madh dhe një kulltë që të zë edhe diellin, por ulin sytë poshtë për të parë se në X rrugë, bashkia pastroi një pusetë.
