Dy persona plagosur, pa rrezik për jetën, si pasojë e një aksidenti automobilistik, që ndodhi mbrëmjen e sotme në qytetin e Korçës.
Ngjarja ka ndodhur në lagjen e quajtur ‘1 Maji’ të këtij qyteti.
Një automjet tip ‘furgon’ që është parë të udhëtonte me shpejtësi të lartë u përplas në katin e parë të një banese pasi kaloi edhe trotuarin.
Nga të dhënat e para mësohet se ka mbetur i lënduar drejtuesi i mjetit dhe një pasagjer, identiteti i të cilëve ende nuk është bërë i ditur.
Furgoni i aksidentuar shërbente për të transportuar qytetarë që frekuentonin një kalceto të qytetit të Korçës.
