Dy ish-sigurimsat e drejtësisë së re në parlament/ Sula: KLP është vënë në dijeni

Në seancën e sotme plenare është folur për dy anëtarët e KLP-së që kanë qenë pjesë e sigurimit të shtetit, Bujar Sheshi dhe Nurihan Seiti. Kryetarja e Autoritetit të Informimit mbi Dokumentet e ish- Sigurimit të Shtetit, Genta Sula, raportoi në parlament lidhur me veprimtarinë e vitit të shkuar për institucionin që drejton.

Nga ligjvënësit iu kërkua informacion lidhur me dy anëtaret e KLP-së që kanë qenë pjesë e strukturës famëkeqe të diktaturës. Sula tha se vendimet për ta janë publikuar nga autoriteti i dosjeve dhe i është dërguar informacion organeve kompetente (mes tyre dhe KLP-së).

Debati

Myslym Murrizi: Si e gjykoni që në organet drejtuese të drejtësisë së re kemi dy anëtare të ish-sigurimit? Pjesë e KLP-së është Bujar Sheshi, bashkëpunëtor i sigurimit të shtetit dhe Nurihan Seiti që ka dënuar për agjitacion dhe propagandë qytetarët shqiptarë.

LEXO EDHE  Plagosja te "Komuna e Parisit" ndodhi për një shenjë/ Dënohet me 4 vjet burg autori, ja detajet...

Genta Sula: Institucioni jonë ka si detyrë informimin. Ne vendimin e kemi marrë, e kemi çuar në organet përkatëse.

Murrizi: Për të dy keni çu vendimin?

Sula: Po, për rastin e parë jemi në proces gjyqësor. Informimi është bërë, vendimet janë çuar dhe janë publikuar. /bn/

Lexo edhe: Ekskluzive/ Dokumenti, Nurihan Seiti e KLP në dosjet e Sigurimit të Shtetit

Lexo edhe: Dokumenti Ekskluziv, Anëtari i KLP, bashkëpunëtor i Sigurimit të Shtetit me pseudonimin “Venusi”