Mediat greke e kanë cilësuar si një tërheqje të Kryeministrit Edi Rama ri-vendosjen e tabelave dygjuheshe në jug të vendit, pas heqjes së tyre nga ASHRR.
ProNeës shkruan se Edi Rama u ‘përkul’, duke deklaruar se tabelat do të rikthehen pasi heqja e tyre ka qenë një problem burokratik.
Në fakt tabelat janë rikthyer që të martën.
Ministri i Jashtëm i Greqisë, Giorgos Katrougalos, tha se do ndërmerren veprime ligjore për të mbrojtur grekët etnikë në Shqipëri.
Ai paralajmëroi se në qershor Greqia mund të bllokojë integrimin e Shqipërisë nëse ajo nuk tërhiqet.
Por nëse zyrtarët e partisë Syriza po i tregojnë ‘muskujt’ Shqipërisë, nuk pritet që situata të bëhet më mirë pas zgjedhjeve në Greqi. Kyriakos Mitsotakis, lideri i Demokracisë së Re, që udhëheq sondazhet, ishte ndër ata që u tregua më i ashpër ndaj Shqipërisë në mars.
