Ministrja e Mbrojtjes Olta Xhaçka ka ndërprerë vizitën e saj zyrtare në Itali për tu nisur menjëherë drejt Letonisë, aty ku do të marrë pjesë edhe në ceremoninë e nderimit që do ti bëhet nëntetares, Zarife Hasanjt, e cila humbi jetën gjatë ditës se djeshme në një mision në Letoni.
Xhaçka pritet të mbërrijë në Letoni (Riga) rreth mesdites ku fillimisht do të vizitoje dy efektivët e plagosur e më pas do te udhetoje per ne bazen Camp Adazi për të takuar kontigjentin shqiptar atje.
Ndërkohë, pak minuta më parë në bazën ushtarake u zhvillua ceremonia e nderimit për nentetare Hasanaj. Nuk dihet ende se kur do të mbërrijë në vendin tonë trupi i Hasanajt, ndërsa familja e saj prej ditës së djeshme ka hapur dyert e mortit.
