Tirana mposhti me rezultatin 1-0 Skënderbeun në takimin e vlefshëm për javën e 32-të të Kategorisë Superiore. Goli i Edon Hasanit në minutat shtesë të sfidës, i siguroi një fitore të artë bardhebluve, të cilët arritën të thellonin në +5 diferencën nga Kastrioti i vendit të parafundit.
Në momentin e shënimit të golit, gjyqtari i takimit, Laver Alla bën një veprim instiktiv të çuditshëm, teksa lëviz këmbën e djathtë, kur topi shkon te Hasani, i cili më pas e dërgon në rrjetë.
Ky moment nuk kaloi pa u komentuar edhe në studion e “Rubrikës Sportive”, ku sipas të ftuarve, gjyqtari Alla ka thënë ishalla e bën, kur ka gjuajtur Hasani, për të shmangur polemikat, pasi disa sekonda më parë bardheblutë pretenduan për 11-metërsh, që nuk u akordua nga kryesori.
