Kryeministri Edi Rama ka shprehur ngushëllimet për efektiven e Forcave të Armatosura, Zafire Hasanajn, e cila ra në krye të detyrës, gjatë një misionit të NATO-s në Letoni, për shkak të shpërthimit të një mine.
Në një reagim në twitter, Rama ngushëllon familjen e nëntetares.
“Dhimbje e respekt i thellë për efektivin e Forcave tē Armatosura, Zafire Hasanaj, e cila ra në krye të detyrës gjatë një misioni të NATO-s në Letoni, ku u plagosën dhe dy efektivë të tjerë!Ngushëllime familjes, të afërmve e miqve të Zafires dhe qoftë i përjetshëm kujtimi i saj”, shkruan Rama.
Nga shpërthimi i minës u plagosën edhe Major Klodian Tanushi dhe rreshter Julian Kapaj, të cilët aktualisht janë jashtë rrezikut për jetën.
Efektivët shqiptar po merrnin pjesë në misionin e NATO-s në vendin baltik për demontimin e minave luftarake.
DENONCO