Pas komenteve që pati, për debatin e dy kryeministrave Rama-haradinaj, në Samitin e Berlinit për taksën që shteti i Kosovës i ka vendosur Serbisë, ku ndër të tjera u tha se:
“Kur Ramushi derdhte gjak për vendin e tij, “Kalorësi i Legjionit të Nderit të Surrelit” bënte plazh me hallatet në ajër”, ish-kryebashkiaku i natës Briken Fejzullai godet sërish.
Kësaj here ish-kryebashkiaku i natës, me anë të një postimi në rrjetet sociale me kryeministrin e Kosovës, Ramush Haradinaj, ka ironizuar vizitën e kryeministrit të Serbisë Aleksandër Vuçiç, në Tiranë.
“Ça thu me, vika prap’ Vuçiç n’Tiron?! Epo na plasi RRUSHI!”,- ka shkruar Fejzullahu, krahas fotos me Haradinaj.
Kujtojmë se pas vizitës në Berlin, Haradinaj u shpreh se çështja kryesore e diskutimit në Samit ishte ajo e taksës së mallrave me Serbinë, gjë për të cilën më shumë presion për ta hequr i ishte bërë nga kryeministri shqiptarë Edi Rama dhe Presidenti i Kosovës Hashim Thaçi sesa nga vetë Merkel dhe Macron që kishin bërë në radhë të parë propozimin