Nga Ishull Lezha, ku ishte i pranishëm në hapjen e aktivitetit artistik “Festa Lokale 2019”, kryeministri Edi Rama, nuk ka lënë mënjanë batutat në drejtim të opozitës dhe protestave të organizuara prej saj.
Madje Rama tha se protestat dhe obobotë e opozitës nuk kanë ndikuar aspak në numrin e turistëve që zgjedhin Shqipërinë si destinacion, duke ironizuar se ne mund të ofrojmë edhe ‘turizëm protestash’.
“Numri i turistëve nordkikë, këtë vit rritet me 20 % dhe ai i turistëve polakë me 40 %. Këto janë shifra që vijnë nga kontrata të operatorëve.
Në muajin mars patëm 10 % më shumë të huaj që kanë hyrë në Shqipërie dhe në prill pothuajse 10% më shumë.
Kjo obobo-ja e madhe nuk ka ndikuar aspak te numri i turistëve, madje mund të bëhemi një vend që ofrojmë edhe turizëm protestash.
Mund të jetë një atraksion, sidomos kur kemi të bëjmë me protesta të tilla të organizuara dhe stacione të përcaktuara dhe me të gjithë atë skenografinë e përgatitur për të argëtuar njerëzit përmes ekraneve.
Mund të përfshihen këto në kalendarin turistik, për t’i ofruar turistëve të marrin pjesë në protesta, vetëm se do të “numërohen”, si protestues dhe do i rrisin numrin artificialisht”, ironizoi Rama.
