Bindja Demokratike e Astrit Patozit, u krijua në një moment ku Ramës më shumë se kurrë i duhej një opozitë për të mbajtur pushtetit, pasi ajo e vërteta tashmë po proteston në çdo cep të Shqipërisë në krahë të qytetarëve.
Por Patozi dhe ‘Bindja’ e tij, për të mbuluar çdo gjurmë që u formuan si parti vetëm për t’i shërbyer Edi Ramës, nuk lanë gjë pa thënë në kurriz të këtij të fundit.
Por siç e dimë, Ramës kur nuk i duhesh më të hedh në rrugë si ajo lecka e vjetër, këtë e ka bërë edhe me shumë miq të tij, të cilët pasi i ka shfrytëzuar i ka harruar dhe i ka lënë të vetmuar.
Por me Patozin Rama para se ta hedhë në rrugë ka filluar të argëtohet më parë ‘njësoj siç bën macja me miun kur nuk është e uritur’.
Si fillim ai i nxori firmat false të Patozit, i cili me ndihmën e vetë Ramës kishte vjedhur firmat e qytetarëve për të krijuar BD-në.
Ndërsa sot Ramës mesa duket nuk i pëlqen më emri i partisë së Patozit që të jetë Bindja Demokratike, prandaj ai ka vendosur ta quajë atë ‘Biondja Demokratike’.
Por meqë në KQZ nuk i fut dot duart e tij kaq shpejt dhe nuk e bën dot ëndrrën realitet që ti ndërrojë emrin BD-së së Patozit nga Bindje në Bionde, Rama ka zgjedhur që këtë dëshirë të tij ta realizojë përmes gazetës së ‘mikut’ të tij Carlo Bollino.
Sot në një intervistë të dhënë për gazetën e Carlos, Patozi me gërma të mëdha theksonte se Biondja e tij Demokratike do të rivalizojë fuqishëm në çdo bashki.
E pra sot Rama ka zgjedhur të tallë ‘Carlon’ përmes Carlito Bollinos me Astrit Patozin. /Boldnews.
Foto:
DENONCO