Në vijim të hetimeve për grabitjen e 9 prillit, ku në pistën e aeroportit të Rinasit u vodhën rreth 6 milionë euro, që po transferoheshin jashtë Shqipërisë, Prokuroria e Krimeve të Rënda ka kërkuar ndalimin edhe të 5 shtetasve të tjerë.
Mësohet se ata janë punonjës të kompanisë së sigurisë së Aeroportit të Rinasit dhe të bankave.
Të gjithë këta persona janë të dyshuar për grabitjen dhe akuza paraprake ndaj tyre është “Shpërdorim detyre”.
Urdhri për ndalimin e tyre ka dalë pasi ata kanë dhënë deklarime kontradiktore gjatë hetimit.
