Dorëzohet Manuel Bushi, autori i tretë ende në kërkim për vrasjen në Laç.
“Ne vijim te informacionit eshte dorezuar ne keto momente ne Polici edhe autori i trete i dyshuar i ngjarjes ku mbeten te vrare me arme zjarri dy shtetas. U vetedorezua M.B 23 vjeç banues ne Lac”, konfirmoi Policia.
***
Vrasja e dyfishtë/ Dorëzohen dy nga autorët
Dorëzohen në polici 2 nga autoret e dyshuar të vrasjes në Laç, ndodhur mbrëmjen e së dielës, kur kushurinjtë Mikel Jushi dhe Jani Jushi (35 dhe 30 vjeç) mbetën të vdekur.Ata janë Markel (25 vjeç) dhe Vinçens Bushit (28 vjeç) dhe u vetdorëzuan pas negociatave me familjarët, konfirmuan burime zyrtare nga Policia.
Ndërkohë, në kërkim mbetet Manuel Bushi, 23 vjeç.
Policia “ushtroi kontrolle të shumta dhe përdori metodat speciale të hetimit për të bërë të mundur kapjen e autorëve”, thuhen në njoftim zyrtar. Të tre autorët e dyshuar akuzohen për veprat penale “Vrasja në rrethana të tjera të cilësuara, në bashkëpunim” dhe “Mbajtja pa leje e armëve dhe municioneve luftarake”, parashikuar nga nenet 79/dh, 25 dhe 278/1 të Kodit Penal.
Dyshohet se krimi ka ardhur pas një konflikti për motive të dobëta mes palëve.
Sipas një rindërtimi paraprak të ngjarjes, viktimat dhe autorët kanë qenë në të njëjtin lokal kur dhe kanë nisur të debatojnë. Dy palët më pas kanë dalë jashtë lokalit për t’u sqaruar, sherri ka agravuar dhe duke parë që autorët kishin armë me vete, dy kushërinjtë janë larguar me vrap.
Por, autorët i kanë ndjekur për rreth 100 metra Mikel dhe Jani Jushin, dhe i kanë qëlluar disa herë me pistoletë. Plumbat i kanë kapur disa herë në trup kushërinjtë, ndërsa përpiqeshin t’u shmangeshin. Mikel Jushi dhe Jani Jushi u dërguan në gjendje të rëndë për jetën në një spital privat në Tiranë për ndihmë të specializuar, ku edhe ndërruan jetë disa orë më vonë si pasojë e plagëve që morën. /bn/
Vrasja në Laç/ Dy vëllezër dhe kushëriri i tyre në kërkim, Policia: Pse ndodhi krimi
