Nga Alfons Zeneli
Pasi ka marë e pranuar titullin e lartë ”Skënderbe” akorduar nga Elisa Sipropali, vetë Skenderbeu, pra Rama ka refuzuar titullin ”qytetar nderi i Dibrës” të cilin ka tentuar t’ia japë bashkia përkatëse. Tellalli dezhurn i kreministrisë ka thënë se ”Rama ka qënë, mbetet dhe do të jetë gjithmonë kundër titujve honorifikë për politikanët në detyrë”. E për çfarë i hyjnë në punë titujt honorifikë e kortezialë përballë titujve bio si Skenderbe, timonier, legjendar, gjigand etj? Aq më tepër titull i dhënë nga një bashki si puna e asaj të Dibrës. Në listën e titujve potencialisht të refuzueshëm, janë të gjithë ata që i jepen nga bashkitë apo organizatat shqiptare brenda vendit. Të gjithë keto tituj janë të mjerë, naivë e katundarhane. Por ka dhe një problem tjetër: nëndërgjegja e tij e dallon se në këtë mes ka një handikap. Ai , thellë thellë e di që nuk i meriton., E theksova se kryeminitri Rama shpërfill e neverit vetëm titujt e akorduar nga bashki dhe organizata shqiptare, jo pa qëllim. Ai e vlerëson drejt situatën kur mendon se titujt e nderit të bashkive shqiptare dhe çdo lloj katundarlliku tjetër i kësaj kategorie, nuk i hyn në punë as për të ndezur oxhakun e studios. Por ndryshon komplet puna nëse behet fjalë për tituj e grada të mundshme dhënë nga qeveri, institucione apo organizta të huaja…qofshin edhe të fshehta apo me konotacione të dyshimta. Para dy vitesh ai u dekorua me titullin e lartë francez “Komandant i urdhërit të Legjionit të Nderit” për kontributin në mardhëniet franko shqiptare dhe sidomos për kontributin e Ramës në politikat rajonale. Ai jo vetëm që nuk e refuzoi, por dhe me shumë të drejtë çau ekranet. Nuk ka asgjë të keqe ky dekorim, përkundrazi. Pavarësisht diferencave midis motivacionit dhe reallitetit, pavarsisht se ai i ka bezdi këta titujt honorifikë meqë është politikan në detyrë, Interesante ishte ajo pjesa e motivit per kontributin në rajon. Personalisht nuk jam ende i qartë nëse ka hequr dorë franca apo segmente të rëndësishme të politikës së saj nga idilet dhe romancat pansllave. Kontributi i Ramës në çështjet rajonale, ka qënë shpesh në kundërshtim me politikat e BE-se. Megjithatë, duhet pranuar se nuk ka bir rlindjeje në këtë botë që do të çmendej dhe të refuzonte ”Komandantit i urdhërit të legjionit të nderit”. Prandaj, ky është një rast i pastër fare i cili ua heq automatikisht dibranëve të drejtën për t’iu ngelur hatri nga refuzimi i titullit ”Qytetar nderi i Dibrës”. Poashtu ne jemi njohur dhe me një tjetër titull të lartë që e ka marë, që po e gëzon e po e justifikon Rama. Titullin ”Kalorës i Kryqëzatës Ortodokse greke të Varrit të Shenjtë”. Në fakt, ky është ku e ku më i lartë se sa ai i frëngut. Sepse është fetar, shumë i vjetër dhe bëhet fjalë për një çështje të shenjtë siç është ajo orthodhokse greke dhe varri i shenjtë i saj. As kësaj radhe , Rama nuk kish se si të refuzonte eterit e shenjtë të patrikanës dhe të barazonte rëndësinë e ”Varrit të shenjtë ortodoks grek” me ekstazën naive e rurale të këshillit bashkiak të Dibrës. Janë dy gjëra shumë larg njëra tjetrës. Ka dhe një gjë: nëse për ato defterët e shpellarëve të Dibrës e di që nuk i mereiton, Rama është mëse i bindur që këto dy dekoratat e jashtme e sidomos kët të shenjtën e orthodhoksisë e meriton. Sepse kjo dekoratë iu jepet personaliteteve të larta të cilat kontribuojnë dhe janë të denjë per Kishën Ortodokse Greke.
