Gjatë kohës së iftarit dhe syfyrit në muajin Ramazan, familjet myslimane mblidhen për ta shijuar një vakt të jashtëzakonshëm. Pas së gjithave, nuk ka mënyrë më të mirë sesa të fillohet agjërimi apo të mbarohet me ushqim të jashtëzakonshëm.
“Kur të vendosni se çfarë të hani për Ramazan, mbani mend që Iftari dhe Syfyri do t’ju ndihmojnë gjatë agjërimit në ditën e ardhshme, prandaj është shumë i rëndësishëm konsumimi i ushqimit të duhur”, thotë Tan Sheau Kang, dietolog.
Çfarë ushqime duhet të konsumoni për Syfyr?
Në syfyr duhet të hani ushqime të duhura që ju furnizon me energji gjatë ditëve të gjata të agjërimit. Syfyri duhet të përmbajë këto ushqime:
Frutat dhe perimet
Janë të pasura me fibra, frutat dhe perimet janë thelbësore gjatë agjërimit, pasi rrisin ndjenjën e të qenit i ngopur, si dhe parandalojnë kapsllëkun. Gjithashtu, ato përmbajnë vitamina dhe minerale të cilat janë vitale për shëndetin e mirë.
Oriz dhe alternativa tjera
Ushqimet me karbohidrate dhe fibra si orizi ngjyrë kafe dhe buka me miell të pasitur marrin më shumë kohë të treten, gjë që i mban nivelet e energjisë më gjatë.
Mish dhe alternativa tjera
Mishi i pulës, peshku dhe produktet tjera djathore pa yndyrë janë burim i mahnitshëm i proteinës, si dhe e kufizojnë yndyrën. Veç kësaj, ato ndihmojnë në forcimin e sistemit të imunitetit dhe mirëmbajtjen e eshtrave të fortë.
Për iftar
Iftari është koha ku i rimbushni nivelet e energjisë, prandaj këtu duhet t’i konsumoni të gjitha ushqimet e duhura që ju ngopin.
Frutat dhe perimet
Rekomandohen dy pjata fruta dhe dy pjata perime brenda dite. Sigurohuni që të keni nga një pjatë të secilës në dy vaktet tuaja gjatë ramazanit.
Orizi dhe alternativat tjera
Buka me miell të pasitur, petët e krundeve etj. janë karbohidrate komplekse që e furnizojnë trupin me energji, fibra dhe minerale. Ndryshe nga ushqimet me sheqer dhe ëmbëlsirat që digjen shumë shpejt, ato do t’ju furnizojnë me nivele më të forta të nivelit të energjisë.
Mish dhe alternativa tjera
Hani ushqime si pula, peshku, vezët dhe produkte tjera djathore. Gjithashtu, për t’i mbajtur shujtat e shëndetshme kufizojeni përdorimin e vajit.
