Ish-ministrja e Integrimit, Klajda Gjosha, ishte e ftuar në rubrikën “Opinion” në News 24, ku foli për zhvillimet politike në vend.
Ajo u shpreh e bindur se kryeministri Edi Rama do të dorëzohet dhe nuk do të shkohet drejt zgjedhjeve të 30 qershorit pasi nuk mund të lërë sot shumicën e qytetarëve shqiptarë të pa përfaqësuar.
“Nuk do të shkohet drejt zgjedhjeve në 30 qershor të jeni të bindur. Sado retorikë të fortë të përdorë Edi Rama drejt ditëve të fundit të këtij procesi, ju do të kuptoni që edhe vetë kryeministri do të dorëzohet sepse nuk mund të lërë sot shumicën e qytetarëve shqiptarë të pa përfaqësuar.
Vendi do të shkojë drejt një qeverie tranzitore që do të bëjë gati një platformë më tej si për zgjedhjet, ashtu edhe për reformën në drejtësi, për luftën kundër krimit të organizuar, por edhe për procesin e integrimit europian të vendit.” – u shpreh Gjosha
