Probleme të tjera për Bindjen e Patozit/ Nipi i Shpëtim Gjikës mohon firmën: Kanë fallsifikuar …

Niko Gjokoli, nip ii ish-kryebashkiakut socialist të Vlorës, Shpëtim Gjika, është një nga emrat që Bindja Demokratike ka paraqitur si firmëtar në gjykatë për themelimin e kësaj partie.

Por duket se Gjokoli nuk ka firmosur asnjë dokument, çka do të thotë se firma e tij është fallsifikuar.

Vetë Gjokoli përmes një postimi ka pohuar se është anëtar i PS-së, ndërsa sot në mëngjes u gdhi dhe firmëtar i Bindjes Demokratike.

“Unë nuk kam asgjë kunder Bindjes, por duke qenë se jam anëtar i Partisë Socialiste dhe aktivist i saj, që në vitin 2005, nuk mund të firmos një formular për një parti të djathtë, nuk më duket korrekte politikisht. Ky veprim jo vetëm është i pamoralshëm, por me aq njohuri juridike sa kam, përbën dhe veper penale”, shkruan Gjokoli.

Reagimi i plotë i Niko Gjokolit:

Sot ne mengjes u gdhiva dhe firmetar i partise Bindja Demokratike. Pra Bindja Demokratike, është e bindur qe une do e firmosja formularin e saj dhe nuk e pa te arsyeshme as te me pyeste, e as te ma paraqiste perpara per firme.

LEXO EDHE  "Anëtari i Kushtetueses cënoi besimin e publikut"/ KPA: Privilegje nga një i proceduar dhe probleme me pasurinë

Te bindur qe une nuk do ta merrja vesh, hodhen dhe firmen per mua, pervecse me perdoren te dhenat personale. Unë nuk kam asgjë kunder Bindjes, por duke qene se jam anetar i Partisë Socialiste dhe aktivist i saj, qe ne vitin 2005, nuk mund te firmos nje formular per nje parti te djathte, nuk me duket korrekte politikisht.

Ky veprim jo vetëm është i pamoralshëm, por me aq njohuri juridike sa kam, përbën dhe veper penale.

Nese Bindja Demokratike, ose kushdo qe ne emër te saj ka falsifikuar firmen time, do qe te bindi shqiptaret per nje alternative tjetër politike, ka zgjedhur rrugen e gabuar.

P.s. gabimi shtohet kur shikon qe nr im ID eshte botuar i pafshirë (ne foto i fshiva une nr ID, per mos te perseritur gabimin e tyre) nga gazeta panorama dhe mund te perdoret nga kushdo qe ketej e tutje.