Duket si një skenë imagjinare e ndonjë filmi, por në të vërtetë, rastete e përndjekjeve dhe përgjimeve nga partnerët apo ish-partnerët shtohen gjithnjë e më shumë.
I çmendur nga xhelozia, një burrë ndërtoi një tunel poshtë shtëpisë së ish-bashkëshortes për ta përgjuar. Policia në Puerto Penasco u telefonua nga Griselda Santillan, e cila kishte dëgjuar zhurma të çuditshme poshtë shtëpisë së saj gjatë javës së kaluar.
Fillimisht mendoi se zhurmat vinin nga macet, por kur zhurmat u shtuan Santillan dhe një fqinj i saj shkuan në oborrin e banesës. Ata zbuluan një tunel, disa thika dhe një shishe uji.
Brenda tunelit ishte ish-bashkëshorti i saj, që ishte bllokuar brenda për rreth 2 orë.
Ekipet zjarrfikëse shpenzuar 45 minuta për të shpëtuar César Arnoldo Gómez.
58-vjeçarja u tha autoriteteve se kishte vendosur ta linte bashkëshortin e saj, me të cilin qëndroi e martuar për 14 vite, për shkak të xhelozisë së madhe dhe kishte marrë urdhër mbrojtje ndaj tij.
50-vjeçari u dërgua në spital dhe u trajtua për dehidratim para se të arrestohej për shkak të shkeljes së urdhrit të mbrojtjes.
