Nga Boldnews.al
Me kokën ulur deri pranë prehrit të tij, kryeministri Edi Rama ndërsa ishte në automjetin e zi, ia doli që ti ikte një tjetër bllokimi rruge dhe revolte, që kohët e fundit po e çorientojnë edhe më shumë nga se është zakonisht.
Në turin “bashkia që duam”, kreu i qeverisë sot vizitoi Elbasanin e Lal Qazimit, të superdeputetin Balla dhe të zonës ku grupet kriminale po bëjnë ligjin, sipas dokeve të tyre.
Në një vend normal, kryeministri duhet të ruhej nga bandat e armatosura dhe nga krimi i organizuar dhe korrupsioni me rrënjë të thella në pushtetin lokal. Por kësaj nuk i druhet aspak, përkundrazi, ai është hapitati i tij.
Armiqtë dhe të “rrezikshmit” për kryeministrin janë qetetarët, protestuesit e revoltuar, kryefamiljarët e varfër dhe të pakënaqurit e kësaj qeverie. Po etiketohen kriminelë ata që bllokojnë rrugën, qytetarët që i presin udhën kreut të qeverisë.
Pas çdo udhëtimi të kryeministrit angazhohen qindra efektivë të forcave speciale me skafandra, zyrtarë të lartë të policisë lokale, agjentë civil që “infiltrohen” mes protestuesve dhe këtu nis zallamahia me shtyrje, kërcënime dhe arrestime, vetëm që kryeministrin të mos e prekë qoftë edhe një guralec.
Po ndaj kujt po ruhet në Elbasan? Numri një i qeverisë dhe stafi i tij i madh i truprojave nëse do e shohin rendin në këtë qytet, duhet të ruhen nga breshëritë e armëve të të paktën tre grupeve rivave. Nga pistoletat me silenciator që zbrazen mes qytetit në kokën e individëve të ndryshëm, qofshin edhe avokatë.
E larg qoftë, po sikur dita e përplasjes mes bandash të koiçidojë me vizitën e kryeministrit? Për më shumë kjo do i gjejë të papërgatitur rojet kryeministrore. Sepse edhe ata rrezikun e perceptojnë tjetër kund. Pasi kalojnë ashtu mes mundimesh pranë protestuesve të vorfën, e humbin vigjilencën!
Kreu shtetit e di mirë se nuk i ka bërë kurrë armiq grupet kriminale. Përkundrazi, ata jënë pushtet, për dy muaj në kohë fushatash lenë armët e hapin arkat me para. Nisin edhe ata fushatën e tyre. Derë më derë e fis më fis. Duan votë për pushtetin. Këtu bandat bëhen bashkë, vetëm në këtë mënyrë u garantohet paprekshmëria nga policia, indiferenca nga sistemi i drejtësisë dhe lulëzimi i biznesit në tendera lokal dhe kombëtar.
Armiqtë e kryeministrit, por indirekt edhe të bandave, janë qytetarët, protestuesit e opozitës, fermerët që hedhin prodhimet në lumë, mbarështuesit e gjedhit që derdhin qumështin në rrugë, bujqit e domateve dhe rritësit e pulave.
Rama ka nevojë për një antiplumb që të përballojë “goditjet” me vezë dhe guralecë. Kjo është “arma” që Ramën e “vret”. I prishin imazhin, ia djersisin trupin, i shkaktojnë ankth, e sidomos kur mielli ia zë sytë dhe boja i nxin fytyrën.
Rilindja duhet të mendojë seriozisht për të porositur një antilumb për kryeministrin e tyre, një i tillë që ta mbulojë nga koka tek këmbët, jo për ta mbrojtur nga predhat e plumbave të bandave, por nga guralecët e qytetarëve, vezët e fshatit dhe boja e stilolapsave…!
