Për të diskutuar në lidhje me profilin e mjekëve dhe se si shihen ata sot nga shqiptarët, pas rasteve të fundit të dhunës ndaj mjekëve apo dhe akuzave për mjekim të pakujdesshëm sikurse rasti i 25 vjeçares shtatzënë nga Elbasani, i ftuar në studion e Fax News ka qenë mjeku i QSUT-së Ilir Allkja.
Duke shpjeguar më tepër në lidhje me profilin e një mjeku dhe të drejtën e familjarëve të 25 vjeçares që humbi jetën pas lindjes në maternitetin e këtij qyteti Allkja është shprehur se është shumë i indinjuar në lidhje me trajtimin që iu bë mjekëve të Elbasanit, duke shtuar se raste të tilla ndodhin në gjithë botën dhe se një procedurë ndërhyrje nuk ka asnjë siguri duke rrezikuar jetën e pacienti.
“Rasti i Elbasanit është një rast fatkeq. Nëse mjekët janë fajtor këtë gjë e vendos gjykata duke shqyrtuar provat. Mua më bënë përshtypje mënyra se si trajtohen mjekët, me një standart të dyfishtë… Unë e mirëkuptojë dhimbjen e familjarëve, fatkeqsinë e tyre, por nga ana tjetër duhet të kuptojnë se këto janë komplikacione që ndodhin.
Në të gjitha spitalet e botës jo vetëm këtu në Shqipëri ndodhin këto gjëra. Nuk ka siguri në çdo ndërhyrje që merret përsipër në spital. Mua më bënë përshtypje fakti që me një pretendim të familjarëve arrestohen direkt dy mjek. Dhe kjo ka ndodhur në mënyrë të përsëritur në shumë raste, dhe kjo ndodh vetëm në Shqipëri.”
I pyetur në lidhje me pakënaqësitë e qytetarëve ndaj shërbimeve spitalore dhe mjeksore në përgjithësi të cilët pretendojnë se nuk marrin trajtimin e duhur nga mjekët, Allkja shprehet se: “Dhënia e shërbimit ëshndetësor në shqipëri çalon, nuk pot hemi që është e munguar sepse mjekët me devotshmëri bëjnë gjithçka që kanë në dorën e tyre për tju ardhur në ndihmë qytetarëve por jo gjithçka varet nga mjekët.
Ka sëmundje që komplikohen në rastin e fundit dhe përfundojnë me vdekje. Shkenca sot për sot në asnjë vend të botës nuk ka garantuar shërim të të sëmurëve me 100% pas patologjive të marra prej tyre.”
Në lidhje me pretendimet e familjarëve për vonesa të mjekëve në dhënien e ndihmës në spitale Allkja tha se “nuk marr përsipër të flas gjithë mjekët dhe mjekët e papërgjegjshëm” duke u shtprehur që është kundër arrestimit të mjekëve sepse kjo dëmton imazhin e tyre në shoqëri. Me arrestimin e tyre Allkja thotë se kjo u nxjerr në pah një imazh negativ mjekëve ku “Njerëzit i shohin mjekët si me një sy tjetër pastaj si “Ai që la fëmijën jetim” ose “Ai që la nënën pa fëmijë”.
Përsa u përket zbatimin e protokolleve të pacientëve në spitale dhe manipulimit të rasteve, mjeku Allkja shprehet se, “mënyra e trajtimit të rasteve është transparente në spitale për shkak të karteles, kohës së hyrjes, daljes trajtimi i mjekëve, të gjitha janë transparente”.
I pyetur për rrugën që mund të ndjekin familjarët e 25 vjeçares në rastin e Elbasanit për të zbuluar të vërtetën mjeku Ilir Allkja shprehet se: “Unë jam i dëshpëruar më vjen shumë keq për këtë rast… Por mesa di unë procedura në këtë rast është Gjykata e cila vendosi për lirimin e mjekëve.” Ndërkohë që shton se ekzistojnë edhe rastet e korruptimit të mjekëve në Shqipëri përsa kohë ka politikan të korruptuar, gazetar apo jurist, por që sikurse shprehet ai mjekët janë keqpërdorur nga sistemi./faxweb
https://www.facebook.com/faxweb.al/videos/388802408377091/
