Pas publikimit të lajmit për vjedhjen e gërmave nga ballina e Teatrit Kombëtar, të shumta kanë qenë edhe reagimet nga shoqëria civile dhe politikanë. Ndër to edhe ish-deputetja Grida Duma duket se nuk e ka toleraur dot asnjë minutë më shumë duke shfryrë të gjithë inatin karshi veprave të tilla vandaliste ndaj kulturës dhe trashëgimisë së vendit tonë.
Përmes një statusi në Facebook, Grida shprehet se “ajo që duan ti bëjnë teatrit është antishqiptare, është anti-historike, është kriminale”.
Statusi i Dumës
Të shkulësh natën shkronjat nga fasada e Teatrit Kombëtar është të veprosh si një hajdut që vjen në errësirë për të fshirë historinë.
Ajo që duan ti bëjnë teatrit është antishqiptare, është anti-historike, është kriminale.
Po bëjnë gjithçka për të derdhur pak më shumë beton. Ata duhen ndalur.
