Këshilltarja e LSI Marsiola Begaj është betuar si këshilltare në Këshillin bashkiak të Fierit, duke zëvendësuar Nimet Musain, i cili ka marrë mandatin e deputetit, duke plotësuar vendet vakante në Kuvend, pas dorëzimit të mandateve nga opozita.
Por ajo që ka ndodhur është disi e habitshme, pasi menjëherë pasi ka bërë betimin, këshilltarja e LSI-së ka deklaruar bashkimin me PS-në.
Në këtë mënyrë në këshillin bashkiak Fier shtohet numri i këshilltarëve socialistë duke shkuar në 21. Lëvizja e papritur e Begaj është komentuar nga grupi i këshilltarëve të opozitës si blerja e rradhës e mazhorancës.
Kalimi i Begajt nga LSI te PS nuk ka ndryshuar balancat në këshillin bashkiak të Fierit, aq më tepër kur kanë mbetur rreth dy muaj nga koha kur janë dekretuar zgjedhjet vendore.
