Ndërsa diskutohej në Kuvend raporti i i bërë nga Këshilli Drejtues e RTSH, ka patur dhe një ‘fërkim’ mes Framoz Ruçit dhe deputetit socialist Musa Ulqini.
Gjatë replikës mes tyre Ruçi i ka kujtuar Ulqinit se shqiptarët nuk kanë në shtëpitë e tyre televizorë të tipit të fundit që ka nxjerrë në treg teknologjia, prandaj do të ishte mirë që ata të shihnin në TVSH të gjitha kanalet për të cilat paguajnë.
‘Ne jemi këtu përfaqësues të atyre që na kanë zgjedhur dhe po na kanë ndjekur pyesin çfarë po raportoni kur Televizioni publik shqiptar ka tetë kanale dhe unë nuk i ndjek dot ato dhe ju flisni për paradat dhe sukseset tuaja. Apo jo zoti Musa?
Ke televizor të teknologjisë së fundit, unë flas për ata që nuk kanë televizorin tënd dhe timin, me 10 mijë lekë është i vetmi kanal që taksapaguesit shqiptar janë aksionerë në financat e TVSH-së dhe e paguajnë ata, 12 mijë lekëshin. Prandaj duhet të përfshiheshin në të gjithë debatin. E dyta vërtitet një kanal tjetër, RTSH Kuvend, diskutojnë deputetët dhe nuk merakosen për veten kur do të transmetohet në mënyrë permanente. Një pjesë e zgjedhësve tanë janë me aftësi të kufizuara dhe kërkojnë kur TVSH do na mundësojë të ndjekim Kuvendin përmes gjuhës së shenjave. Prandaj raportimet dhe rezolutat nuk duhet të jenë formale por efektive, brenda shqetësimeve që kanë njerëzit që na kanë zgjedhur’, u shpreh Ruçi.
Njësoj si në kohën e komunizmit edhe Ruçi është shumë i shqetësuar që shqiptarët nuk kanë mundësi të ndjekin RTSH Kuvendin, për të parë se sa lodhen e shqetësohen politikanët tanë për popullin e thjeshtë. /Boldnews.
