Analisti Andi Bushati, i ftuar në emisionin “Të Paekspozuarit”, ka komentuar kërcënimin që kryeministri Rama u bëri qytetarëve me burg, nëse do të pengojnë zgjedhjet.
Bushati tha se kjo tregon që Rama është ose i çmendur, ose flet nga pozitat e njeriut që ka kapur të gjithë pushtetet.
“Këtu ose kemi të bëjmë me njeri të cmendur, ose kemi të bëjmë me një njeri që ka kapur gjithë levat e pushtetit. Thotë shkon deri në 7 vjet burg, nëse bëhet në bashkëpunim pengimi i zgjedhjeve. Thotë a ka shqiptar që bën burg për Lulin?
Po mirë, si ka mundësi që ka shqiptar, që bën burg, për Ramën kur vjedh zgjedhjet? Ose kemi të bëjmë me një njeri të sëmurë, që ka paranojën që thotë për mua ja vlen të bësh burg ndërsa për Lulin jo. Ose atë tjetrën, që lidhet me kapjen e drejtësisë”, u shpreh Bushati.
