Ditën e enjte me qindra mijëra qytetarë shqiptarë protestuan në të gjithë vendin. Kreu i opozitës Lulzim Basha zgjodhi Milotin për të dhënë mesazhin e tij për të gjithë qytetarët shqiptarë,.
Në fjalën e tij Basha deklaroi se demokratët, opozita dhe të gjithë shqiptarët e ndershëm do të bllokojnë me çdo çmim krimin elektoral, dhe nuk do të lejojnë zgjedhje farse më 30 qershorit.
Ndërkohë që paralajmëroi se kryeministrin Edi Rama do ta presë një surprizë e madhe nesër nga Shkodra.
‘Nesër Shkodra do t’i japë mesazhin Edi Ramës siç ka ditur t’ia japë gjithmonë autokratëve dhe diktatorëve. Ndaj le të jemi bashkë me njëri-tjetrin ditë për ditë e t’i japim dorën njëri-tjetrin në këtë betejë pa kthim, që është një betejë për të ardhmen e të gjithë shqiptarëve pa dallim, feje, krahine e ideje, por me një qëllim ta bëjmë Shqipërinë si gjithë Europa. Siç jeni në krahun tim sot do të jem në krahun tuaj deri në fitimin e kësaj beteje. Kjo e sotmja është sinjal dhe paralajmërim se Edi Ramës dhe bandës së tij po i mbaron koha, se 30 qershori do të jetë dita e triumfit të shqiptarëve të lirë, nuk do të ketë e nuk do të lejojmë me asnjë çmimin krimin elektoral në asnjë qendër të votimit’, deklaroi Basha.
