Policia ka shpallur në kërkim një ish-efektive të Policisë. E.Bici, 31 vjeç, mendohet se i ka ndihmuar grabitësit duke djegur furgonin në Bathore, për të shpërqendruar efektivët e Policisë që ishin vënë në ndjekje të grabitësve.
Pesë persona janë arrestuar deri më tani lidhur me grabitjen në Rinas. Katër prej tyre, Saimir Çela, Oltion Veseli, Renaldo Sula dhe Alkond Bengasi, janë lënë nën masën e sigurisë arrest me burg nga Gjykata e Krimeve të Rënda, ndërsa Elton Pikli ende nuk është njohur me masën e sigurimit personal. Alkond Bengasi raportohet se ka bashkëpunuar me hetuesit, ndërsa Çela Sula dhe Veseli kanë mohuar të kenë gisht në krim.
Admir Murataj mbeti i vrarë pas shkëmbimit të zjarrit të grabitësve me policinë, ndërsa dy vëllezërit Klement dhe Eldi Çala janë shpallur në kërkim. /bn/
Si u grabit Rinasi? Rolet e secilit prej personave të identifikuar
