Gjykata për Krime të Rënda ka caktuar masën e sigurisë arrest me burg ndaj Alkond Bengasit, një prej të arrestuarve për grabitjen e 9 prillit, ku mbeti i vrarë një prej autorëve, Admir Murataj.
Gjykata nuk pranoi si avokat Adriatik Camen pasi nuk ka tagrat e përfaqësimit, duke i caktuar si avokate kryesisht Kristina Marku.
Ditën e nesërme do të zhvillohet seanca për 3 të arrestuarit e tjerë Oltian Veseli, Renaldo Sula dhe Saimir Çela.
Prej 9 prillit Prokuroria dhe policia zhvilluan hetime për zbardhjen e grabitjes së 5.8 milionë eurove, duke arrestuar 4 persona dhe shpallur në kërkim 2 të tjerë.
Mes akuzave te ngritura eshte dhe vrasja e punonjesve te policise e mbetur ne tentative
Materialet proceduriale në ngarkim të tyre, i kaluan Prokurorisë Pranë Gjykatës së Shkallës së Parë për Krime të Rënda Tiranë për veprën penale të “Vjedhjes me armë të kryer në bashkëpunim” në kuadër të “Grupit të Strukturuar Kriminal”, ”Mbajtjes pa leje e armëve dhe municioneve luftarake” “Vrasje e Punonjësve të Policisë “ e kryer në bashkëpunim e mbetur në tentativë” thuhet ne njoftimin e policise se shtetit.
Dyshohet se tre prej personave që kanë rënë në pranga kanë qenë në bashkëpunëtorë në role të ndryshme, ndërsa njëri prej tyre dyshohet se është njëri prej autorëve të grabitjes së 9 prillit.
