Forumi Rinor i Partisë Demokratike është angazhuar në Ditën e Tokës, duke dhënë kontribut në pastrimin e 2 km vijë bregdetare në plazhin e Spillesë.
Njoftimi është bërë në rrjet nga kreu i FRPD-së, Belind Këlliçi. “Ndërgjegjësimi ynë nuk përmbyllet në një ditë, inkurajojmë të gjithë të rinjtë të kujdesen për mjedisin, të përdorin më pak plastikë, të ulin shpërdorimin si dhe të jetojnë një jetë më ekologjike”, shkruan Këlliçi në rrjet.
Postimi nga Belind Këlliçi
Ne diten e tokes, sebashku me studente dhe gjimnaziste te Tiranes, vendosem te kthejme veshtrimin nga shtepia jone e perbashket, planeti Toke 🌏
Sot eshte dita per te ndergjegjesuar veten dhe kedo kundrejt demit mjedisor qe progresi yne teknologjik, social & ekonomik ka shkaktuar dhe per te rihyre ne harmoni me shtepine e njerezimit.
Ndaj vendosem qe kete dite ta kalonim duke pastruar 2km vije bregdetare ne plazhin e mrekullueshem te Spillese, duke dhene edhe ne sadopak kontributin tone modest ne kete dite ku e gjithe bota sensibilizohet dhe tregon me shume respekt per mjedisin tone te perbashket.
Ndergjegjesimi yne nuk permbyllet ne nje dite, inkurajojme te gjithe te rinjte te kujdesen per mjedisin, te perdorin me pak plastike, te ulin shperdorimin si dhe te jetojne nje jete me ekologjike.
