Ish-kryeministri Sali Berisha e ka cilësuar akt barbar, sulmin terrorist të ditës së sotme në Sri Lanka ku humbën jetën mbi 207 persona.
Me anë të një reagimi në Facebook, Berisha shkruan se ata që bënë këtë akt të marrin sa më parë ndëshkimin e merituar ligjor, ndërsa shpreh ngushëllimet për familjet e viktimave.
Ja postimi i Berishës:
Akt barbar terrorist ne Sri Lanka, mbi 207 te vdekur dhe 450 te plagosur!
Miq, ne nje seri aktesh barbarie te vertet, ne Kolombo, kryeqytet i Sri Lankes, terroriste mizore islamist u moren jeten mbi 207 burrave, grave, femijeve te pafajshem dhe plagosen mbi 450 te tjere per motive primitive raciste fetare.
Duke shprehur ngushellimet familjeve te viktimave dhe autoriteteve te vendit dhe uruar sherim te plagosurve, denoj me ashpersine me te madhe kete barbari te tmerrshme dhe uroj qe sponsoret, organizatoret dhe autoret e ketyre akteve te marrin ndeshkimin ligjor te merituar! sb