Një 77 vjeçar është vetëplagosur aksidentalisht në fshatin Gajush të Lezhës. I plagosuri P.I ka qëlluar veten me armë gjahu në mënyrë të pavullnetshme.
Ngjarja ka ndodhur rreth orës 21:00 në oborrin e banesës së 77 vjeçarit.
I vetëplagosuri ndodhet në spitalin e Lezhës, ku po merr ndihmën e parë.
Njoftimi paraprak
Më datë 20.04.2019, rreth orës 21:10, në fshatin Gajush, Lezhë, në oborrin e banesës së tij dyshohet të jetë vetëplagosur me armë gjahu shtetasi P.I , 77 vjeç, i cili ndodhet në spital nën kujdesin e mjekëve.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
