Socialistët nuk i ndahen burgut/ Balla kërcënon shqiptarët dhe opozitën nëse pengojnë zgjedhjet

Kreu i grupit parlamentar socialist, Taulant Balla, ka kërcënuar sot opozitën dhe shqiptarët, që do të dënohen me 7 vite burg nëse nuk do të lejojnë zgjedhjet fasadë të 30 Qershorit.

Këtë kërcënim Balla e bëri nga Përrenjasi, ku prezantoi dhe kandidatin e Rilindjes për këtë bashki, i cili është deputeti Nuri Belba.

‘Ta harrojë kush se do të pengojë zgjedhjet. Kush pengon zgjedhjet do të dënohet me 7 vite burg’, deklaroi Balla.

Rilindasit i kanë marrë të gjitha mandat për të zhvilluar zgjedhje fasadë, pas paralajmërimit të opozitës zyrtare se nuk do të marrin pjesë në këto zgjedhje, PD dhe LSI.

LEXO EDHE  Protesta e opozitës/ BE: Respektojnë të drejtat e qytetarëve, policia të vetëpërmbahet edhe nëse…

Për të realizuar zgjedhjet fasadë, Rama dhe rilindasit janë kujdesur me detaje, duke blerë fillimisht deputetët për të formuar opozitën farsë në parlament, e pastaj duke krijuar një forcë të re politike, e cila do ë jetë opozita e re e Ramës.

Pra edhe këtë herë rilindasit bënë atë që dinë të bëjnë më mirë, të krijojnë fasada, dhe tu tregojnë qelitë e burgut shqiptarëve të varfër, atyre që nuk ndajnë të njëjtin mendim me ta, si dhe ata që nuk i binden diktaturës së re që po instalohet.