Një shpërthim dhe të shtëna me armë zjarri janë dëgjuar në qendër të kryeqytetit afgan në Kabul pranë Ministrisë së Informacionit.
Shpërthimi ndodhi rreth orës 11:40 me kohën lokale (07:10 GMT), thanë zyrtarët afganë
Një burim i ministrisë tha se kishte tre sulmues, një prej të cilëve arriti të hyjë brenda në ndërtesës, raportoi BBC.
Asnjë grup nuk ka marrë përsipër sulmin, por ngjarja vjen pas pezullimit të bisedimeve midis qeverisë dhe kryengritësve talebanë.
Çfarë ndodhi?
Shpërthimi ndodhi në një zonë të populluar të Kabulit qendror, pranë një prej hoteleve më të njohura të qytetit, disa prej ministrive të tjera dhe pallatit presidencial.
Një tjetër nga sulmuesit shpërtheu eksplozivin në muri e jashtëm të ministrisë dhe i treti u qëllua për vdekje nga policia. Nuk raportohet për viktima të tjera.
Qindra civilë u evakuuan nga ndërtesa, njoftoi ministria.
Zona tani është kufizuar nga forcat e sigurisë.
Ndonëse Kabuli ka përjetuar akte të rënda dhunë vitet e fundit, ngjarja vjen pas muajsh qetësie në qytet.
Bisedimet e vazhdueshme të paqes
Sulmi ka ndodhur në një kohë që zhvillohen bisedime midis SHBA-ve dhe talebanëve, që synojnë të negociojnë një proces paqësor në vend.
Një konferencë midis zyrtarëve të grupit militant dhe rreth 250 politikanëve afganë duhej të zhvillohej në kryeqytetin e Katarit në Doha, më 20 dhe 21 prill.
Por takimi u pezullua të enjten pasi Talibanët u ankuan për madhësinë dhe statusin e delegacionit afgan.
Në një deklaratë, talebanët akuzuan qeverinë afgane për “sabotimin e kësaj konference dhe përpjekjeve për paqe”.
SHBA dhe talebanët kanë mbajtur pesë raunde bisedimesh të drejtpërdrejta që nga tetori 2018, dhe tani janë në mesin e të gjashtit.
Qëllimi është të zgjidhet konflikti civil i Afganistanit dhe të negociohet tërheqja e forcave amerikane në vend.
SHBA gjithashtu dëshiron që talebanët të garantojnë që territori afgan nuk do të përdoret nga militantët e huaj dhe se ata nuk do të përbëjnë kërcënim për sigurinë për pjesën tjetër të botës.
Në vitin 2001, një koalicion ushtarak i udhëhequr nga Shtetet e Bashkuara sulmoi Talibanët duke i akuzuar për strehimin e militantëve al-Kaidës, grupit militant që kreu sulmet e 11 shtatorit në SHBA.
Zyrtarët amerikanë thonë se konflikti në Afganistan tani kushton rreth 45 miliardë dollarë në vit.
Talebanët aktualisht kontrollojnë më shumë territor sesa në çdo moment, në 18 vitet e fundit. /BoldNews.al/