Sapo ka mbërritur në Durrës, ekipi ka pasur kohë të çlodhet dhe më pas i gjithi është grumbulluar në një video-analizë të thirrur nga trajneri.
Pas analizimit në ndeshjeve të fundit të kundërshtarit, bardhekuqtë kanë pasur edhe një vizitë të shkurtër nga Takaj në formë mobilizimi për ndeshjen e radhës e më pas gjithçka ka vijuar normalisht.
Presidenti i Skënderbeut ka qenë hermetik në raport me mediat për atë se çfarë ndodhi të martën dhe të mërkurën në KAS. Ai nuk ka dashur të japë asnjë detaj, me qëllimin që të mos amplifikohet shumë situata për një fitore të mundshme përballë UEFA-s. Ndërkaq, studioja ligjore që ka marrë përsipër mbrojtjen e korçarëve në këtë proces ka bërë me dije se vendimi përfundimtar do të jepet gjatë muajve të ardhshëm. Ditën e sotme Skënderbeu do të udhëtojë drejt Laçit për t’u përballur me kurbinasit në javën e tretë të fazës së katërt të sezonit.
/Panorama Sport/
