Ditën e djeshme ministri i Brendshëm Sandër Lleshaj, ishte i ftuar në një studion televizive dhe hodhi hipotezën se parat e vjedhura mund të ishin djegur.
Por Lleshaj nuk tregoi asgjë se deri në çfarë pike kanë mbërritur hetimet dhe la të kuptohej se ai u bë një alibi për grabitësit.
Gazetari Denis Dyrnjaja, ka reaguar lidhur me këtë deklaratë aspak serioze të Lleshaj.
Dyrnjaja me anë të një postimi në rrjetet sociale, është shprehur se sa herë që ministri i Brendshëm Fletë na surprizën me gafate e tij.
Postim i plotë
Sa herë Ministri i Brendshëm flet, surprizon. P.sh së fundi z Lleshaj tha në një intervistë televizive se paratë e grabitura në Rinas mund të jenë djegur, duke shtuar se gjithesesi kjo ishte një hamendësi spekulative.
Në rastin më të mirë ky është një naivitet që konsiderohet një supergafë pasi iu jep grabitësve një opsion për të deklaruar se paratë i kanë djegur edhe nëse kapen dhe në rastin më të keq (po përdor dhe unë termin e përdorur nga ministri) pra po spekuloj, duke menduar se z Lleshaj po paralajmëron se autorët do të kapen, por paratë nuk do të gjenden.
Dhe nëse vërtet do shpallet versioni se paratë ishin djegur hijet e dyshimit se grabitja e Rinasit nuk ishte aq spontane e një grupi prej 4 vetësh rritet shumë. Gjithnjë në mënyrë spekulative unë paramendoj se paratë nuk do të gjenden. Tani të presim a do të jenë “djegur” vallë ato siç tha Ministri i Brendshëm?!