Top Channel që prej emërimit të Ben Blushit si Drejtor i Përgjithshëm, është kthyer në armën më të fortë të propagandës së Rilindjes, madje godet armiqtë e Ramës edhe më fort se ‘ERTV’.
Votimi i parlamentit holandez për rikthimin e vizave për Shqipërinë ishte një lajm i keq për të gjithë shqiptarët, por jo për Top Channel-in e Blushit, i cili në çdo kronikë që pasqyronte vinte theksin se nuk kishte vend për panik.
Madje sipas Top Channelit të Ben Blushit, parlamenti Holandez nuk ka fuqi t’i rikthejë vizat për Shqipërinë, sepse vetë BE i ka dhënë dritën jeshile vendit tonë për hapjen e negociatave pasi ka ecur me reformat, duke harruar se Holanda është shteti kryesor dhe një nga themeluesit e vetë BE-së.
Por sot Top Channeli i Blushit, për t’i bërë qejfin Edi Ramës, jo vetëm që e shpall vend armik Holandën, por e klasifikon një vend të rrezikshëm, dhe në vendin numër 1 të trafikimit të kokainës.
Në edicionin e lajmeve të Top Channel, lajmi kryesore ishte se ‘Holanda është kthyer në një narko-shtet’. /Boldnews.
Fotoja e mëposhtme tregon se si Top Channel i Ben Blushit është kthyer i gjithi në shërbim të Edi Ramës.
