Votimi i parlamentit holandes/ Lubonja: Rama nuk kthen shikim nga vetja, gjen armikun e jashtëm

Analisti Fatos Lubonja, i ftuar në emisionin “Të Paekspozuarit”, ka komentuar vendimin e parlamentit të Hollandës, për rikthimin e vizave me Shqipërinë. Lubonja tha se kryeministri Edi Rama, nuk reflekton dhe nuk e kthen asnjëherë shikimin nga vetja por mundohet gjithmonë të gjejë armiq të jashtëm.

“Çdo vend i përgjegjshëm, duhet të shohë pjesën e vet. Nuk pres fare nga Edi Rama, të kthejë shikim nga vetja, sepse e njohim shumë mirë. Për cdo gjë ka gjetur armikun jashtë vetes, i duhet propaganda.

Kur kemi të bëjmë me një qeveri që punon dhe jeton me krimin, Rama i bën fasadën një ekonomie kriminale dhe patjetër do ta mohojë këtë. Padyshim në Hollandë ka probleme dhe me ekstremin e djathtë, por skam dëgjuar nga vend tjetër, të hiqen vizat”.

Lubonja tha gjithashtu, se një sinjal se Shqipëria është kthyer në problem për vendet e Bashkimit Europian, janë numri i fëmijëve që braktisen nga prindërit në vendet e BE-së, në mënyrë që më pas të marrin azil në ato vende.

LEXO EDHE  Lotaria Amerikane, shtohen kriteret: Ju duhet edhe një vërtetim nëse...

“Kam disa shifra që lidhen me fëmijet e braktisur dhe lidhet me vizat. Në njëfarë mënyre, fëmijët që kërkojnë azil, janë fëmijë që lihet nga prindërit. Në Itali, në vitin 2017, ka patur 1611, 10% e të gjithëve, ishte vendi i tretë Shqipëria, për braktisjen e fëmijëve. Ndërsa ne Angli në vitin 2016, shqiptarët janë pas Afganistanit, për këtë fenomen. Pra, kjo tregon se situata është dramatike, sa i përket edhe në raport me popullësinë”.