Zgjedhje më 30 qershor nuk ka për të pasur. Pa u ndëshkuar krimi elektoral i 2017, as mos të mendohet që do të kemi zgjedhje vendore në 30 qershor.
Kështu u shpreh kreu demokrat, Lulzim Basha, duke shtuar se ne s’jemi një vend afrikan.
Basha theksoi se s’mund të ketë zgjedhje në kushtet kur ata që janë kapur në krim elektoral, madje me përgjimet e prokurorisë, nuk kanë marrë ende ndëshkimin.
Basha tha se familja e tij jeton në Tiranë, vajzat e tij shkojnë në shkollë, ndërsa u shpreh se është e turpshme kur bëhen deklarime nga njerëz si Erjon Veliaj, që thotë se familja ime nuk jeton në Tiranë.
Basha tha se subvencionet për fermerët do të jenë në masën e 100 mln eurove, duke shtuar se në fund të mandatit të parë nuk do të ketë pension nën 250 mijë lekë në muaj.
“Paratë që sot i përfitojmë oligarkët do t’u kthehen shqiptarëve, duke rritur pensionet dhe duke shtuar mbështetjen qoftë për fermerët, qoftë për biznesin, qoftë për shëndetësinë dhe arsimin”, tha Basha.
Sipas tij, programi i PD-së ka vulën e besueshmërisë së partisë së kancelares Angela Merkel.
