Kreu demokrat Lulzim Basha ka inkurajuar Komisionin Europian që të iniciojë një mission monitories për sistemin e sundimit të ligjit në Shqipëri, njëlloj si në rastin e Bosnje Hercegovinës.
Nga Lubjana ku po merr pjesë në një takim, Basha theksoi se monitorimi më efektiv i reformave të Sundimit të Ligjit në vendet që kërkojnë anëtarësim mund të arrihet duke u mbështetur në shembullin pozitiv të të ashtuquajturit Raporti Priebe, i cili tashmë ndihmoi në tejkalimin e një krize serioze të demokracisë dhe sundimit të ligjit në Maqedoni në 2015.
“Komisioni Evropian sapo ka nisur një nismë të re për raportimin e Priebe për të monitoruar të gjithë sistemin e Sundimit të Ligjit në Bosnje dhe Herzegovinë. Unë inkurajoj Komisionin që të iniciojë një mision të tillë monitorimi edhe në Shqipëri”, tha Basha.
