Gazetari i njohur dhe moderator Adi Krasta ka thumbur mbrëmjen e sotme gazetaren Mira Kazhani, ndërsa në studion e A Show diskutohej mbi bashkinë e Tiranës dhe kryebashkiakun Veliaj.
Në prani të ekspertit të ekonomisë, Pano Soko, Krasta i është drejtuar nga ekrani gazetares duke u shprehur “zonja Kazhani ku shkojnë paratë e bashkisë, a mundet që portali Tirana Post të bëjë një analizë se ku shkojnë këto para”.
Gjatë emisionit, Soko tha se në 4 vjet Erjon Veliaj tha 380 leje ndërtimi, ndërkohë që janë rritur taksat dhe tarifat në kryeqytet.
Soko gjithashtu tha se përveç një shkolle të rindërtuar, bashkia e Tiranës nuk ka kryer asnjë investim tjetër në shkolla.
Duke paraqitur një dokument të Bashkisë së Tiranës, eksperti tha se për një rrugë 700 metrash Bashkia e Tiranës do të harxhojë 2.9 milionë dollarë.
Ndërkohë ai shtoi se për mbjelljen e pemëve ka harxhuar 600 mijë dollarë, ndërsa niveli total i investimeve është 22 milion dollarë. Sipas tij, Bashkisë së Erjon Veliajt qytetarët i kanë paguar 150 mln dollarë më shumë, vlerë kjo e barabartë me atë të një autostrade të re, që mund të ishte ndërtuar.
