Sulmuesi i Skënderbeut, Blerim Krasniqi ishte dhe njeriu i ndeshjes në sfidën ndaj Kastriotit të fituar me rezultatin 4-0 nga korçarët. Në prononcimin e tij për mikrofonin e “Supersport” Krasniqi u shpreh:
“Gjithmonë sulmuesi matet me gola, pavarësisht sa mund të lëvizë nëpër fushë, goli është rezultati më i mirë për sulmuesin. Kërkoj edhe më shumë nga vetja. Kam qenë edhe i dëmtuar. Falenderoj Zotin që u kthyem te fitorja dhe te golat”.
Çfarë ndryshoi sot te Skënderbeu?
Mezi e kishim pritur këtë sfidë. Ne e dimë çfarë kemi hequr në Fushë-Krujë dhe si na kanë pritur. Ishte një lloj hakmarrje.
Si ndihet një futbollist që luan në Fushë-Krujë?
Nuk ka shanse që një futbollist të luajë rehat në atë llojë fushe, në atë ambiente. Asnjë futbollist nuk mund të jap maksimumin.