Eksperti i Aviacionit Civil, Dritan Goxhaj, i ftuar në emisionin “360 Gradë” në RTV Ora deklaroi se asnjë nga efektivët e policisë së komisariatit të RInasit nuk ka marrë pjesë në ruajtjen e rendit në protestë.
Ai tha se Rinasi është pikë kufitare, më e madhja e Republikës, në të cilën qarkullojnë në vit 2 milionë pasagjerë.
“Duke qenë se është pikë kufitare, Ministria e Brendshme, ka atje një komisariat të veçantë që është komisariati i Rinasit.
Ai përgjigjet për sigurinë kufitare, për kalimin dhe moskalimin e njerzëve. Ai është përgjegjës edhe për kalimet e paligjshme. Nga policat e komisariatit nuk ka marrë asnjë pjesë në protestë. Komisariati ka qenë me të gjithë efektivin e vetë në turn”, tha Goxhaj.
