Shkodra në festë për ngjitjen e Vllaznisë në Kategorinë Superiore. Ekipi shkodran e siguroi vendin e parë në Grupin e Veriut 5 javë para përfundimit të sezonit (4 ndeshje për secilën skuadër), pasi mposhti 0-3 Erzenin në Shijak. Tashmë distanca me ndjekësin më të afërt, Besëlidhjen, është 12 pikë, kur janë vetëm 12 pikë në lojë, pra 4 ndeshje, por ekipi i drejtuar nga Canaj ka avantazhin në përplasjet direkte.
Në Shijak, Vllaznia kaloi në avantazh me anë të brazilianit Junior, por kuqeblutë nuk u kënaqën me një finalizim. Në minutat në vijim realizuan edhe Tafili e Zeqaj, për rezultatin përfundimtar 0-3.