Skënderbeu ka arritur të fitojë me rezultatin 4-0 përballë Kastriotit në Korçë, në javën e 29 të Kategorisë.
“Ujqërit e Dëborës” vinin nga një moment jo i mirë dhe kjo goleadë, duket se sjell disi qetësinë në Korçë.
Në minutën e ’14 ishte Gjergji Muzaka që kaloi korçarët në avantazh. Pas një kombinimi të bukur mes Pervan dhe Bregut, ky i fundit servir për Muzakën, i cili lëviz bukur pas shpinës së mbrojtësve kundështarë dhe gjen rrugën e rrjetës.
Në minutën e ’76 ishte Oto Xhon i cili dyfishoi shifrat. Gripshi rikuperon një top në krahun e djathtë, servir bukur për Oto Xhon brenda zonës, i cili nuk fal duke dërguar topin në rrjetë.
Më pas ishte radha e Blerim Krasniqit për të shënuar dopietën personale në këtë ndeshje. Në ’78-tën, pas një asisti të Oto Xhonit, sulmuesi i skuadrës korçare është shkëputur bukur, teksa i vetëm përballë Çekrezit, e ka dërguar topin në rrjetë.
Në të ’84, futbollisti i Skënderbeut përfiton nga dalja e portierit Çekrezi dhe me një parabol nga afro 30 metra ka shënuar golin e dytë personal në këtë takim.
SKËNDERBEU-KASTRIOTI 4-0
Muzaka 14′ , Oto Xhon 76′, Krasniqi 78′ , 85′