Kryeministri Edi Rama e ka shtyrë për të hënën vizitën e tij në Katar, për të qenë në Tiranë. Nuk dihen ende arsyet se e ka marrë një vendim të tillë.
Madje edhe nga opozita janë dhënë këshilla që pjesëmarrësit duhet të jenë të kujdesshëm. Nuk dihet nëse lidhet kjo me atë që ka ndodhur më parë, ku konfrontimet spontane të protestuesve me policinë, janë shoqëruar me hedhjen e gazit lotsjellës që ka shkaktuar probleme tek protestuesit, por edhe tek kalimtarët apo banorët e zonës.
Deklaratat e eksponentëve të opozitës që kjo do të jetë protesta që do të rrëzojë Edi Ramën, nuk bëhen për herë të parë. Që në 16 shkurt është thënë se do të rrëzohet qeveria nga protesta. Pas 16 marsit, kjo është hera e tretë. Kjo është e trea, që ka 2 dallime nga shkurti dhe marsi. E para që zhvillohet gjatë mbrëmjes dhe e dyta që është në të njëjtën kohë me protestën e opozitës në Beograd. Opozita serbe në protestat e saj ka qenë më radikale, ka pushtuar televizionin Shtetëror dhe sot pritet të jetë po aq radikale. Paralelizmi me Beogradin, ka krijuar një atmosferë frike tek Qeveria.
Ndërsa ora e mbrëmjes dhe kohëzgjatja e protestës, kanë mbetur të panjohura, duket se edhe policia është përgatitur për një mission të vështirë.Burime nga PD, thonë se protesta do të varet nga moti, që parashikon mundësinë e shiut. Nëse do të bjerë shi, do të zgjasë jo më shumë se 3 orë.
Deri në orën 18.00, do të ketë shumë variante në tavolinë, si nga opozita edhe nga qeveria. Ajo që bën përshtypje është se Kryeministri shtyu vizitën në Katar për shkak të frikës së radikalizimit të protestës.
