Ish kryetari i PD së Durrësit, Osman Stafa, është shprehur se protesta e sotme nuk do të ketë asgjë të jashtëzakonshme.
Madje Stafa ka deklaruar se ende konflikti politik i cili ka krijuar një ngërç nuk ka arritur pikën kulmore dhe sipas tij po punohet nën rrogoz që të gjendet një zgjidhje për të mos e lejuar që ai të arrijë pikërisht këtë pikë kulmore që për të do të thonte se do të kishte një përshkallzim më të madh të protestave dhe të pjesmarrjes së saj, raporton Bulevarsnews.
“Unë mendoj se asgjë e jashtëzakonshme nuk do të ndodhë në protestën e sotme dhe pse them që pjesmarrja do të jetë e lartë pasi edhe orari kur është lënë është një risi. E them këtë sepse po punohet nën rrogoz për të gjetur një zgjidhje”, është shprehur ai ndërsa ka shtuar se kohët e fundit opozita disponon të drejtën e kauzës me protestat që po zhvillon.
Stafa ka thënë gjithashtu se e gjithë klasa politike është në një ngërc dhe ky ngërc ka 27 vite qëështë prezent, duke mos përjashtuar këtu edhe kohën kur kanë qeverisur demokratët.
Sipas Stafës nuk është faji i qytetarëve që nuk dalin masivisht në protestë por i klasës politike dhe në këtë rast i opozitës e cila si pasojë e ngërcit politik ka krijuar krizë besimi.
Stafa ka thënë gjithashtu se është më e veshtirë situata politike se ajo ekonomike dhe ajo që po bëhet nën rrogoz mban larg masivitetin e këtyre protestave që kanë nisur prej kohësh.
