Luan Rama, nënkryetar i Lëvizjes Socialiste për Integrim, me anë të një statusi në rrjetet sociale ka komentuar vendimin që është marrë, sekuestrimin e pronave të Admir Muratit, pas vdekjes së tij në grabitjen spektakolare të Rinasit.
Sipas Ramës pse nuk u bë sekuestrimi i pronave sa personi ishte gjallë, apo deri sa ai u vra sipas tij nuk e dinin ku jetonte Murati.
Postimi i plotë
Bravo Prokuroria!
Prokuroria e Krimeve të Rënda, paska depozituar sot në gjykatë kërkesën për sekuestrimin e pronave të Admir Muratit, personit që mbeti i vrarë pas grabitjes në aeroportin e Rinasit!
Bravo Prokuroria!
Po pse nuk e kërkoi sekuestrimin sa qe gjallë “koka” e grabitjeve në aeroport e përgjatë rrugës për në Rinas?!
Apo nuk e dinte se ku janë pronat e tij?!
Kjo është Prokuroria që duam!
Tani kryeministri mund të mburret me të tjera sekuestrime, edhe pse nuk e di që sekuestrimet nuk i bën as qeveria dhe as policia, por gjykata!
