Kryetari i Partisë Demokratike Lulzim Basha dënoi vendimin e sotëm të gjykatës që Tiranës, që çoi për gjykim dosjen “Babale”. Basha tha se të pandehur duhet të ishin dy drejtuesit e policisë së Fierit, Nushi e Marko, prokurorët e çështjes, deputeti socialist Taulant Balla dhe prokurori i çështjes Gentian Osmani.
Për Donika Prelën, kryeporuroren e Krimeve të Rënda, tha se ka shkatërruar hetimet.
Basha paralajmëroi gjyqtarin që dha sot vendimin për kalimin e dosjes për gjykim dhe dy prokurorët e çështjes se do tu bëhet vetingu publikisht nga PD-ja.
“Ata janë të gjithë së bashku të kapur në përgjimet zyrtare të Prokurorisë duke fabrikuar një çështje të rreme kundër gazetarit Jetmir Olldashi dhe anëtarit të opozitës, Ervin Salianjti, i cili për shkak të detyrës bëri të munduar atë që askush se bëri dot realitet. Kjo do të mjaftonte që Prokuroria të niste urgjentisht hetimet, por Prokuroria është pjesë e skemës së narkoshtetit dhe mafias dhe ajo me urdhër të Donika Prelës nuk ka guxuar kurrë as të thërrasë e të nisë hetimet për personat e interceptuar nga vetë Prokuroia.
Edi Rama ka marrë në mbrojtje dhe ka promovuar autorët kryesorë të këtij krimi të rëndë shtetëror, duke filluar nga Taulant Balla, i cili sipas vetë përgjimeve nga bisedat është një nga personat e kontaktit. Sot, Prokuroria e çështjes ka pranuar që në vend të nisi hetimet ka çuar në gjyq çështjen ku të pandehur nuk janë kriminelët por denoncuesit e krimit.
E dënoj ashpërsisht këtë akt kriminel. Kastriot Gramshit dhe dy prokurorët nuk do t’ja hedhin Vettingut me këtë akt që kanë ndërmarrë. Të jeni të sigurt se ai dhe të dy prokurorët Vettingu do ti bëhet publikisht nga Partia Demokratike dhe për këtë kam zotimin tim personal si kreu i PD. Të mos bëjnë llogaritë me krimin por me drejtësinë e re që po vjen. I gjithë ideali i Reformës në Drejtësi ishte që të zhbënte dy standardet e drejtësisë. Asgjë tjetër s’do të dalë nga kjo dosje përveç zhytjes deri në fund të Ballës, Ramës dhe shumë zyrtarëve të tjerë, por jo duke ndëshkuar denoncuesit e krimit si gazetari Olldashi dhe demokratit Salianjit,” është shprehur Basha. /BN/
