Reshje të forta breshëri kanë pushtuar Llogaranë prej më shumë se dy ditësh. Në këtë zonë që nga fillimi i javës moti ka qenë i paparashikueshëm me surpriza thuajse dimërore.
Temperaturat e ulta dhe reshjet e dendura të shiut dhe dëborës kanë bërë që thuajse gjithë segmenti hyrës në Llogara të bllokohet. Kalimi në aksin Orikum-Himarë ka qenë krejtësisht i pakalueshëm ndërkohë që punohet me hedhje kripe për shkrirjen e breshërit, në mënyrë që aksi rrugor të bëhet sërish i kalueshëm.
