Koln dhe Duisburgkanë dalë barazim në ndeshjen e prapambetur të Bundesligës 2, e cila u zhvillua mbrëmjen e të Mërkurës.
Pas kësaj ndeshje spektakolare, trajneri i Koln, Markus Anfang, u njoftua se i ati i tij kishte pësuar infarkt dhe është dërguar me urgjencë në spital.
Ai ishte në stadium duke parë ndeshjen kur ndodhi ngjarja. Trajneri me të përfunduar ndeshja, shkoi në spital për t’i qëndruar afër të atit.
Menaxheri i klubit, Armin Veh, tha pas ndeshjes: “Klubi i uron trajnerit dhe familjes së tij të tregohet e fortë në këtë moment të vështirë dhe i uron babait të Markus shërim të shpejtë. Në një situatë të tillë futbolli është një çështje pa rëndësi, për ne ka vlerë vetëm shëndeti i babait të trajnerit”.
