Nga Boldnews.al
Ministrja e Infrastrukturës dhe Enegjitikës Belinda Balluku foli më shumë si opinoniste dhe “gazetare investigative”, sesa si titullare e një institucioni që duhet të kontrollonte kompaninë konçensionare TIA që ka nën administrim Aeroportin e Rinasit.
Supergrabitja që ndodhi në avionin që transportonte vlerat monetare të tre bankave nga katër persona të armatosur është rënie e shtetit, cënim i fortë i sigurisë dhe njëkohësisht me shumë pikëpyetje që lidhen me aferat që vijnë pas PPP-ve të famshme qeveritare.
Kërkohet një fajtor dhe si qeveri më ekzemplare në rruzullin tokësor që fajin ua lë gjithnjë të tjerëve, këtë herë përmendin vetëm fjalët: “fajin e kanë kinezët”…
“Që sot të na kujtohet nga kjo kompani – e cila u keqshërben shqiptarëve me çmimet më të kripura në Evropë, në sajë të një kontrate të vjetër abuzive koncesionare – se aeroporti është i të gjithë shqiptarëve, ndërkohë që vetëm unë si ministre marr çdo ditë mesazhe qytetarësh të pakënaqur për flamujt kinezë që valëviten sikur jemi në Pekin, ky është një kulm revoltues cinizmi! Cilat masa sigurie ka përmbushur kompania kineze? Sa herë ka pasur thyerje të rrethimit të aeroportit? Sa herë ka dështuar siguria private që koncesionari ka kontraktuar për garantimin e sigurisë së aeroportit gjatë testeve të ushtruara nga AAC?”-deklaroi ministrja në Parlament, duke nënkuptuar se do të merren masa të forta kundër “kinës sabotatore”…
Çfarë ka me “kinën sabotatore” zonja arrogante që ka drejtuar, Agjencisë Nacionale të Trafikut Ajror (ANTA). Në krye të ‘Albcontrol’, Balluku u akuzua për krijimin e borxhit të madh. Pak vite më parë, Balluku ka mbajtur postin e drejtoreshës së Autoritetit të Aviacionit Civil dhe u shpërblye me emërimin nga Rama si ministre.
Balluku që i pëlqen ta quajnë me nofkën “grifshë”, kur kompania që sot Balluku e quan me përbuzje “kinezët”, nuk kishte marrë asnjë masë sigurie, ajo ishte edhe drejtuese e Aviacionit Civil.
Një institucion shumë i rëndësishëm që monitoron dhe udhëzon për masat që nevojiten në mbarëvajtjen e çdo problematike në aeroportin e vetëm kombëtar në vend. Grabitja që u bë lajm kryesor edhe në mediat më prestigjioze ndërkombëtare e gjeti të papërgatitur qeverinë, jo për masat, por për të reaguar në facebook, në televizione, apo konferenca shtypi.
Duhej një shkaktar dhe këtë herë opozita nuk ishte “sebep bindës”, ndaj sot ministrja, me udhëzimin direkt të kryeministrit reagon në mënyrë histerike, duke ironizuar me fjalët: “kinezët, faji i kinezeve, kompania kineze, Pekini”, e gjithçka tjetër me kinën brenda…!
Mbaje kinën brenda çdo deklarate ministre, por nëse hetimet do të thellohen, ajo që sot po merr flamurin e reagueses, do mbajë përgjegjësi kryesore, pasi ka drejtuar çdo institucion që monitoron konçensionarin e Aeroportit të Rinasit.
Po bëhet gati një kompani tjetër për të marrë Aeroportin nën administrim, një mundësi më shumë për tu futur në oazin e aferave që vijnë gjithnjë pas çdo PPP-je.
